• aksu.oo@pavlodar.gov.kz
  • 140100, Ақсу қаласы, Строителей көшесі, 14б
  • 8 (71837) 51212

Шаңғы дайындығынан Қазақстан Республикасының Тұңғыш Президентінің - Елбасы тестілері өтті

Ағымдағы жылдың қаңтар айының 20жұлдызында Ақсу қаласының шаңғы базасында ҚР Тұңғыш Президентінің дене шынықтыру дайындығынан тесттерді тапсыру өтті.Аталған спорттық іс-шараның ұйымдастырушылары қалалық дене шынықтыру мен мәдениетінің бөлімі болды. Қатысушылары Ақсу қаласының мемлекеттік ұйымдарының қызметкерлері, педагогтар, студенттер болды.Шаңғы тебуден жарыс 5 сатыда өтті. 1 саты-18-23 жас, 2 ші саты 24-39 жас, 3 саты 40-49 жас,  4 саты 50-59 жас  және 5 ші саты 60 жастан жоғары. Мамандықтары, жас аралықтары әртүрлі 400 адам бұл күні қуанышпен, спорттық рухы биік, жақсы көңіл күйлеріменен мәреге жетіп нормативты орындады. Аса қуантатын жайт 60жастан жоғары қатысушылары  шаңғыны ойдағыдай теуіп қана қоймай мәреге бірінші келіп отырды. Біз жастар ол кісілерден үлгі алуымыз керек. 

Біздің білім саласы қызметкелерінің кәсіподағы,жастар кеңесінің атынан 13 адам қатыстық. Төрағамыз Еңсебаев Фархат № 4 ОМ, жігіттеріміз Әнуар Шәріпов Шүлембаев атындағы ОМ, Құмар Тілеужан №8 ОМ, Ерхан Қайырқұлов № 4 ОМ, қыздарымыз Мадина Жұмабаева, Сәуле Сатқанова Шүлембаев атындағы ОМ, Есенбаева Фариза № 7 ОМ, Алдамұратова Әмина № 2 ОМ ,Жандарбек Ақбота, Дойтен Нұрсәуле Шүлембаев атындағы ОМ қарамастан  көңіл күйлеріміз өте көтеріңкі, табиғат аясында шаңғы тебуге, бір-бірімізбен араласып, денемізді шынықтыруға туындаған мүмкіндікке шексіз риза болдық. Барлығымыз спорттық киімде, өзіміздің   үлгі етіп, мақтан еткен ұстаздарымыз, әріптестерімізден  жақсы, жылы сөздер естіп, біз үшін алаңдап тұрғандарына қатты қуандық. Сөздерінен жылы леп сезіліп, даладағы аяздың ызғарын мүлдем сездірмеді. Ақсу қаласының білім бөлімінің басшысы Қайрат Теміржанұлы Смағүлов, Ақсу қаласының әкімі Николай Васильевич Дычко, Ақсу қаласының орынбасары Тамара Витальевна Ильина, , НұрОтан Республикалық партиясының Ақсу қаласындағы филиалының төрағасы Айдос Ырсымбекұлы Оразалинның жас буынға сәттілік тілеп, жылы сөздер айтқандары біз үшін өте маңызды болды. Арамызда күнделікті жаттығып жүргендер де мектеп кезінде ғана шаңғы тепкеніміз де болды. Өзен жағасына жақын жерде ағаштар арасымен зымырап өту бізге ерекше қуаныш сыйлады. Жігіттер қыздардың шаңғыларының бекітулерін тексеріп, көмектесті. Барлығымыз шаттық сезімімен мәреге жеттік. Жағымды шаршаңқылық бойды басты. Сыңғырлаған күлкілеріміз алыстан естіліп жатқан тәрізді. Салауатты өмір салтын еңгізуді ұйымдастырушылар тамаша өткізді.Осыдан бастап қатысушылар шаңғы тебуге өз балаларын, жақын адамдарын алып келетініне сенемін. Біз де  Ақсу қаласының жастар кеңесінің мүшелері келесі спорттық іс-шараны асыға күтеміз.

                                                                                                                                                                                 Диана Садықова МҚКК «Айналайын                                                                                                                                                                                                        бөбектер бақшасы » Ақсу қаласының Білім беру                                                                                                                                                                                   саласы қызметкерлерінің кәсіродағы, жастар                                                                                                                                                                                              кеңесінің мүшесі.

30-01-2018